II Samuel 1:17-27

 "FAHUWUSA/FARIAWÖSA SOADU" : II SAMUELI 1:17-27


I. Famasao

Ba Imane Lowalangi : "lö sökhi ba niha na haya'i'ya'ia..." (I Moze 2:18) fehede andre asese tefa'ema ba ginötö alua walöwa ma na mufalua wamara'u tanga sangowalu. Ba na mutohugö wo'angerönusi taromali andre ba tebotokhi ba dödöda wa fa'aurida ba gulidanö andre sinangeania so wangonangegö awö ba lala wa'auri si'eroma'ökhö. Tenga ha ba gamaudu warongasa ma fongambatö. Hiza lö moadu wa'aurida ba gulidanö andre na ha ya'ita manö, eluahania lö moguna so khöda fakhögusa, faya'osa, fayawasa. Tebai tawa'ö tödöda ha ya'o zi pade, ya'o zonekhe, ya'ia khögu, ya'o zabölö. Lö manö fa'abölöda, na lö niha bö'ö ba ngaida, lö manö fa'onekheda na lö niha ba zifasuida.Fefu da'e alua na tesöndra wariawösa si sökhi/soadu/sogaena ba gotalua : wobanuasa, fatalifusöta,

II. Fangosisi'ö Taromali Lowalangi(Mbörö  Huhuo)

Mbörö huhuo ma'ökhö, tebe'e tuho: "Fariawösa Soadu/si sökhi". Moguna ta'erönusi hewisa ita ba wariawösada ba nawöda, hadia zi no tafalua ba wariawösa andrö? Hadia lö saetu wariawösada ha börö gomasiöda (kepentingan)?

Ba mbörö huhuo ma'ökhö andre ifasugi ba dödöda hewisa Dawido ba wamosumange Zaulo irugi ba wa'amate. Mbörö huhuo andre ösinia ya'ia da'ö sinunö ba wange'esi si no mate (ratapan). Ba da'e ta'ila:

1. Mu'olifugö Fefu Zi Lö'atulö

Famini tödö, fatiusa, fa'afökhö dödö, fanandrawa; asese alua ba gotalua zifahuwu börö wolohi gurakha, wangalui tana khö (kepentingan). Tola manö aetu zinali wahuwusa ha börö gohitö dödö, gomasiö dödö, simane salua ba gotalua Dawido ba Saulo.

Hameuga kali Zaulo edöna ibunu Dawido, fatiu sibai dödö Zaulo khö Dawido, me afökhö dödönia khö Dawido alai na tobali ia dania razo me oya manö zomasi fao khönia mendrua manö me no oroma wa'aböndrata. Lö fa'ahono dödö Dawido me igohi'gohi manö ia Saulo irege na ta baso ba Daroma li andre, soloi'loi manö Dawido andre wamini'ö ya'ia ba mbanua bö'ö. Fefu da'e no tobali fa'afökhö ba dödö Dawido. 

Ba hiza tafaigi, lö ibe'e börö ba dödönia Dawido wa lö mamosumange niha si no ibayoini Lowalangi tobali Razo ya'ia Zaulo. Irege turia wa'amate Zaulo lö möi börö wa'omuso dödö khönia; fa'afökhö khönia wa'amate Zaulo andrö, i'e'esi irege niha sama'ema turia wa'amate andrö iraono Gamaleki sanga'i töi wamunu Saulo, ibunu ia Dawido. Me ba dödö Dawido Saulo andrö no niha nibayoini Lowalangi.

Ba da'e ta'ila wa Dawido andrö lö itanö ba dödönia zi lö atulö nifalua Zaulo khönia hewa'ae na fatiu dödö Zaulo khönia.

2. Ifosumange Sibai Zaulo Dawido

Ba dödö Dawido, Saulo andrö no niha sanga'aro'ö wobanuasa solohe fa'omuso dödö ba gotalua ndraono Gizeraeli. 

Oroma khöda ba wange'esi andre (ratapan); no abu sibai dödö Dawido ba wa'amate Zaulo andrö, irege ifarou dozi niha ba soi ndraono Gizeraeli(mado Yuda) mufalua wamoni, la'onukha nukha ba wa'abu dödö (si no to'ölö ba ndraono Gizeraeli {latar belakang budaya} ) si tobali tandra ba wa'abu dödö. Famosumangenia razo andrö, ba itenewa fefu nono wobanuasa ba Mado Yuda; böi mi'ombakha'ö duria wa'amate andrö, faböi alua wango'aya moroi ba soi bö'ö. I'ombakha'ö Dawido wa Saulo andrö so khönia wa'abölö ba wondrorogö banua, ba no mate ia ba fa'amatenia andrö no soguna ba niha sato (iraono Gizeraeli).

3. Fangomasi'ö Niha Sifatiu Tödö

Tatörö tödö wamahaö nifa'ema Yesu me iwa'ö "...omasi'ö zifa'udu khöu" (Matai'o 5:44), mbörö huhuo ma'ökhö i'a'aro'ö ba dödöda wamaha'ö andrö ba wamalua fa'omasi ba nawö dia wa'ae na niha si no fa'udu khöda. 

Na Dawido ifalua wangomasi'ö ba niha si no fatiu tödö khönia börö me ifaigi halöwö Lowalangi ba wa'auri zifatiu tödö khönia andrö. Ba simanö göi ita iyada'a ba wamalua fa'omasi andrö tenga börö me so ni'akalida ba nawöda, hiza i da tafaigi halöwö Lowalangi ba wa'auri nawöda me ya'ita andre ba gulidanö, no niwöwöi Lowalangi sifakhöli (I Moze 1:26-27). Eluahania, sinangea tafosumange, ta'omasi'ö, böi so khöda watiusa ba nawö.

III. Amarahuta 

Fariawösa si sökhi/soadu/sogaena andrö moguna sibai ba lala wa'aurida, ba lala halöwö (mendrua manö ba danö si so ya'ita andre ba Torganda) sinangeania faoma tatundreheni nawöda : he ba wohalöwö, ba wongambatö, mendrua man ö famatida ba khö Keriso. Da tahalö khöda duma'duma nifalua Dawido andre khö Zaulo, si lö manö molau balönia me ifaigi halöwö Lowalangi si no fao ba wa'auri Zaulo.

Komentar

Posting Komentar

Postingan populer dari blog ini

Khotbah Pada Ibadah Pemberkatan Nikah

Gambar
" PERGUMULAN SEPUTAR PERNIKAHAN" : MALEAKHI 2:15-16; bdk. MARKUS 10:11-12 BNKP Jemaat Fa'omasi KT-VII Bukit Harapan I A. Pengantar Perkawinan/Pernikahan Sudah Ketentuan Allah Atas manusia untuk meneruskan keturunan dan memenuhi bumi (Kej. 2:22-24) juga dalam perkawinan terdapat janji dan perintah Allah (bdk. Mal. 2:15-16). Perkawinan yang diadakan oleh Allah (diperintahkan, dijanjikan) adalah untuk kebahagiaan manusia (Kej. 2:18) jadi celakalah mereka yang dalam perkawinannya bercampur kemunafikan, pertengkaran atau pertengkaran. Juga perkawinan berguna untuk menghindari terjadinya perzinahan di antara umat Allah (I Kor. 7:2) sehingga perkawinan tidak ditiadakan bagi manusia di dunia ini. Pada dasarnya perkawinan adalah kesatuan Kristus dengan Jemaatnya, kesatuan Allah dengan umat-Nya (bdk. Hos. 2:18-19; Ef. 5:23-24, 32) itulah sebabnya perkawianan sangat dikuduskan, dijunjung tinggi dan dipertahankan. Bukan seperti pernikahan dalam sinetron di TV yang hanya t...
Baca selengkapnya

Renungan Ibadah P.A

  "JANGAN JEMU-JEMU UNTUK BERDOA" : KELUARAN 32:7-14 Sebagai pekerja Buruh di perkebunan kelapa sawit milik Torus Ganda, memang tidak mengenakan (keluh kesah beberapa karyawan yang notabene warga jemaat BNKP), pekerjaan berat, tuntutan peraturan (yang kadang kala berubah) membuat setiap kita serasa tidak ada kebebasan. "Seandainya" milik sendiri, kita mau buat apa perkebunan ini? Tentunya masing-masing kita berangan-angan. Terlepas dari semua itu, sebelum masa kita ini, berdasarkan catatan Alkitab bahwa ada sekelompok orang yang jumlahnya sangat banyak. Mereka dilatih sebagai budak di tanah Mesir pada masa itu. Kalau kita membaca di dalam Alkitab, sungguh nasib mereka tidak menguntungkan meskipun bagi mereka telah dijanjikan berkat melimpah. Dan mereka dikenal dengan sebutan " Orang Israel" . Suatu ketika orang banyak itu menjerit (mungkin seperti kita saat ini di beberapa tempat mengeluh "capek" dengan keadaan sekarang ini) dan jeritan itu suda...
Baca selengkapnya